facebook

Android me Smart Lock Kaise Activate kare

Doston, jaisa ki hum sabhi ye feel karte hain ki baar-baar apne mobile phone ko unlock karna kabhi-kabhi kaafi annoying hota hai. Baar baar pattern unlock karna ya pin/password daalna boring sa ho jata hai. Aur isme thoda time bhi lag jata hai. Par aap apne phone ko bina password/pattern ke rakh bhi to nahi sakte hain.

Jinhone new smartphone liya hai, unke liye to koi problem nahi hai. Kyuki ab maximum mobile phones me finger print sensor diya jaa raha hai. Par jinke paas aisi facility nahi hai, mai unke liye kuch solution lekar aaya hun.

Read also: Best Android Lock Screen Apps |Android Lock Screen Ko Khubsurat Kaise banaye

Android ki taraf se ek new feature aaya hai Smart Lock. Ye android ki taraf se ek bahut hi badhiya feature hai. Ye aapko aisi facility deta hai ki koi particular place pe aapko apne phone me passcode nahi dena hoga.


Jaise ki agar aap smart lock ke location ko apne ghar ka set karte ho.To aap jab bhi apne ghar pe hoge to aapko apne phone ko unlock karne ke liye passcode dene ki koi jarurat nahi hai. Lekin agar aap jaise hi apne ghar se baahar jaate ho to aapka phone pahle ki tarah locked ho jayega.

Ab aap soch rahe honge ki ye Smart Lock kaam kaise karta hai ? Kya iss feature se aapka phone secured rahega ? To chaliye jaante hain Smart Lock ke baare me.


Aapka phone kab lock nahi hoga ?

Smart Lock me bahut tarah ke options hain. In options ke under aap ye choose kar sakte hain ki kab aapko apne phone me passcode ki jarurat nahi hai. Isme mainly 4 tarah ke options hain jo aap set kar sakte hain, ki kab aapko apne phone me passcode ki jarurat nahi hai :-

1. Kisi ek particular location pe. Jaise ki aapne apna home select kiya to ye aapke home ke location ko save kar lega. Fir jab bhi aap apne ghar pe rahoge to ye GPS ki help se aapke phone ko unlocked rakhega.

2. Jab aap kisi particular device se connected hote ho. Jiase ki aapne apne smart watch ya fir Car ke bluetooth speaker ko connect kiya hua hai to aapko apne phone me passcode dene ki koi jarurat nahi hai.

3. Smart Lock aapke face ya fir aapke voice ko recognize kar sakta hai. Aisa karne ke baad jab aapk iss phone ko use karoge to koi passcode nahi manga jayega. PAr kisi aur ke paas jaate hi ye passcode maangne lagega.

4. Jab aap apna mobile phone carry kar rahe honge. Iss feature me ye program accelerometer ki help se ye pata kar leta hai ki aap motion me hain ya nahi. Jab tak aap aur aapka mobile motion me rahenga ye phone ko unlock rakhega. Isme to aisi bhi facility hai ki ye aapke walking style ko bhi record kar leta hai. Agar koi aur person aapka phone carry kar raha hai aur uska walking style aapke walking style se alag hai, to fir phone locked hi rahega.

To friends, aap upar diye gaye kisi bhi option ko apne hisab se select kar sakte hai. Jaise ki maine apna home location set kiya hua hai. Isse mujhe kaafi help milti hai. Mai jab bhi apne ghar pe hota hu to mujhe phone me baar baar passcode dene ki jarurat hi nahi padti hai.

Read also: Android Phone Apps ko HEXLOCK Se Safe or Secure rakhe

Smart Lock ko kaise enable kare

Friends, aap ye soch rahe honge ki maine Smart Lock ke baare me itna to bata diya hai par ise enable kaise kare wo to maine bataya hi nahi. To chaliye ab mai batata hu ki Smart Lock ko kaise enable kiya jata hai. Iske liye aapke andoid ko Lollipop ya fir uska next version hona jaruri hai.


Aap niche diye gaye steps follow karke apne device me Smart Lock enable kar sakte hain :-

  1. Sabse pahle aap phone ki Settings open kare.
  2. Uske baad Security > Screen Security Open kare.
  3. Uske baad aapko Smart Lock Ka option dikhega.
  4. Uske baad aap koi bhi option apne hisab se select kar lijiye.
enable-android-smart-lock

enable-android-smart-lock

  • Mai aapko inme se ek option select kar ke aage ke steps batata hu.
  • Example ke liye maine Trusted Device select kiya hai.
  • Uske baad aap ye sure rahe ki aapka wo device aapke phone se connect hai.
  • Uske baad aapko Add Trusted device button pe click karna hoga.
  • Iske baad aapko ye indicate karna padega ki aapke paired devices me se aap kis device ko smart lock me add karna chahte hain.
  • Maine apne car ke hands-free capability ko trusted device me add kiya hua hai. Iska ye matlab hai ki mai jab bhi apne car me hota hun to mujhe passcode dene ki koi jarurat hi nahi hoti hai.
  • Trusted place ko add karne ka process bhi same hi hai. Agar aap kisi trusted place ko add karna chahte ho to map me sirf apne apna location select kar le.
  • Agar aap Trusted Face activate karna chahte hain to koi badi baat nahi hai. Aap trusted face button pe click karo. Uske baad aapko apne front camera ki taraf dekhna hoga taaki wo aapka face recognize kar le.
  • Agar aap On-Body Detection activate karna chahte hain to iske liye aapko koi specific configuration nahi karna padega. Aap on-body detection select kar lo aur phir ye aapke motion ko accelerometer ki help se detect kar lega. Phir ek baar motion ke help se unlock karne ke liye bolega. Uske baad aap puri tarah se set hain. Uske baad jab tak aap motion m rahoge, aapko apne phone ko unlock karne ki jarurat nahi padegi.
enable-smart-lock-android

enable-smart-lock-android

Friends, umeed karta hu ki aap logon ko aaj ka ye post pasand aaya hoga. Please aap iss post ko apne facebook aur whatsapp pe share karna na bhoole taaki hume aage bhi better post likhne me help mile.

Spread the love
  • 8
    Shares

Earn Rs 11,000 By DownloadTruebalance App
+ +