facebook

Computer Performance Increase Karne Ke Liye Tips Hindi Me

Friends, aap me se jo bhi log Windows use karte honge. Unhe ye baat pata hoga hoga ki windows ka performance dheere dheere down hota jata hai. Uska processing speed bahut slow ho jata hai. Isi wajah se computer thik se kaam bhi nahi karta hai. Isme bahut se problems aate hain. Jiase ki booting me bahut time lag jata hai, ya phir ek app se dusre app switch karne me time lagta hai, etc. Ye situation kabhi kabhi bahut hi frustrating ho jata hai.

Thankfully, aise bahut se software aa chuke hain jo aapke computer ke speed ko badhane me help karte hain. To chaliye kuch better software ke baare me jaane jo aapke PC ke performance ko better bana dega.

Computer Performance Increase Kaise Kare

Task Manager / MSConfig

Dekha jaaye to bahut saare apps rakhne ki wajah se windows kabhi slow down nahi hota hai. Par ek saath bahut saare app open karne ki wajah se aisa hota hai. Uss waqt MSConfig, jo ki preinstalled software hai, aapki help kar sakta hai. Ye aapke computer me automatically chal rahe bahut saare background aaps ko close kar deta hai taaki computer ka performance better ho sake.

MSConfig kaise use karte hain ?

  • Agar aap windows 7 use kar rahe hain to apna start menu khole aur msconfig type kare.
  • Aapka system configuraion khulega.
  • Uske baad Startup tab pe click kare.
  • Click karte hi aapko wo saare apps dikhenge jo background me run kar rahe honge.
  • Agar aap windows 8 ya 10 use kar rahe hai to yahi command aapko Task manager ke paas le jayega.
task-manager

task-manager

Ek baar jab startup menu khul jayega, to aap check kar sakte hain ki kon sa program run kar raha hai. Uske baad aap aasani se uss program/app ko close kar sakte hain. Par aapko ye pata rahne chahiye ki kon sa app/program kyu run kar raha hai. Aur isko close karne se kya hoga.

Read also: How to turn your windows computer into a wifi hotspot

Disk Cleanup / CCleaner

Aapko ye to pata hi hoga ki hamare computer me bahut se ase files stored rahte hain jinka hume koi kam nahi hota. Par ye bahut saara space consume kiye hote hain. Inhe hum junk files kahte hain. Windows update files se lekar browser ke temporary data tak, sb milakar gigabytes of junk files ho jaate hain. Ye computer ke hard drive ka bahut saara space bhi consume kar lete hain, aur saath me hi processing bhi slow kar dete hain.


In temporary data ko clean karne ke do sabse best options hai – built in Disk Cleanup tool aur CCleaner.To chaliye jaante hain in do apps ke baare me.

Read also: Computer Virus Ke Bare Me Pata Kare

# Disk Cleanup

Disk cleanup windows ka in built program hai. Aap ise simply open kar sakte hai. ISke liye aapko start menu me Disk cleanup type karna hoga. Uske baad Disk cleanup pe click kare kuch der ka time de. Ye kuch hi der me aapke poore system ko analyze kar lega aur aap saamne ek list open kar dega.


Wo list ko review karne ke baad aap usme me bahut saare items remove kar sakte hain. Aisa karne se aapke computer me bahut saara space khali ho jayega. AApko in files ko remove karne me koi koi problem nahi hogi. Aap kisi bhi category ko iss list se exclude bhi kar sakte hain, agar aap use delete na karna chahe to. Clean system files pe click karna na bhoole kyuki ispe click karne ke baad hi aapko poora list review karne ke liye milega.

Read also: Kaise Pen Drive Se Computer RAM badhaye

# CCleaner

Agar aap Disk cleanup se satisfied nahi hain to CCleaner aapke liye best option hai.. Ye ek trusted app hai aur aapke built in apps se jyaada application clean kar sakta hai. Isko use karne se pahle aapko iss app ko download karna padega.

Download CCleaner

  • Jab aapka download complete ho jaye tab aap iss app ko open kar le.
  • Open karne ke baad aapko left side me Cleaner tab dikhega.
  • Uspe click kare. Click karne ke baad aapko ek overview milega jin apps aur files ko aap delete kar sakte hain.
  • CCleaner aapko Disk cleanup se jyaada option deta hai. Ye aapko last download ki gyi browser history and cache bhi show kar dega.
  • CCleaner jo checkboxes default select karke ke dega use ek baar check kar lena sahi hota hai. In checkboxes me wo selected list hota hai jo CCleaner aapko recommend kar raha hai delete karne ke liye. Par kuch cheeze delete karke bhi koi fayda nahi jaise ki thumbnail. Agar aap thumbnail ko delete bhi kar dete ho tab bhi windows fir se thumbnail create kar lega jab aap uss file ko access karoge.
  • Aap Analyze button pe tap kar sakte ho. Isse aapko ye pata chal jayega ki kon sa category kitna space consume kar raha hai.
  • Last me aap clean button press kar do jab aap un files ko delete karne ke liye sure ho.
  • CCleaner me ek option rahta hai – Clear the registry. Aap bhool se bhi uss button ko kabhi mat press karna warna aapke pc me bahut problems ho sakte hain.
ccleaner

ccleaner

Friends, umeed karta hu aapko ye post pasand aaya hoga. Aap please iss post ko facebook aur whatsapp pe share karna mat bhoolna. Isse hume aage bhi acche posts likhne me help milegi.


Spread the love
  • 3
    Shares